|
|
O labor desenvolvido polos señores de Andrade e o arcebispo Raxoi, naturais desta vila, converteu Pontedeume en xoia
arquitectónica. É imposible falar dela e non dos Andrade. A casa nobiliaria máis importante do norte de Galicia no Medievo, tivo o seu berce en Pontedeume. A natureza da
desembocadura do río, a praia de Ver e as vistas dende Breamo ou o castelo redondearon a beleza.
Ademais de toda a riqueza histórica e paisaxística, non se debería deixar
Pontedeume sen visitar as lonxas
de Raxoi, as igrexas de Ombre e de Centroña, o cruceiro
de Campolongo, e sen relaxarse
na concorrida praia de Ver, nas áreas
recreativas de Breamo ou
no castelo.
Que ver:
O torreón dos
Andrade, no corazón da vila, único resto do
grandioso pazo. Cos seus
18 metros de alto é un dos principais exemplos da arquitectura militar medieval en Galicia e é
Monumento nacional dende 1924. Nel
ubícase o Centro de Interpretación dos Andrade.
A ponte que mandara construír en pedra Fernán Pérez de Andrade, que daquela
tiña 78 ou 79 arcos apuntados e no seu curso dúas torres, un
hospital de peregrinos no centro, cociña e mais capela. A actual foi construída de novo entre 1864 e 1870.
O castelo de Andrade. A 309 metros de altitude, dende alí domínase todo o val e as Mariñas, ata Malpica. Del só
queda a torre de vinte metros de altura.
A igrexa de Santiago (XVI-XVIII), que acolle a tumba de Fernando de Andrade, cunha espectacular fachada.
A fermosísima igrexa de San
Miguel de Breamo, curioso exemplo
do románico galego do XII, monumento histórico
artístico dende 1931.
Recursos
turísticos:
Casa
rural Castelo de Andrade,
cantina
Río Covés
e turismo activo: Buceo e Piragüismo
Pechar
|
|
