|
O Centro de Iniciativas Turísticas EumeTurismo:
nace para Promocionar e comercializar os recursos e servicios turísticos
do destino EUME.
O CIT EumeTurismo
nace para continuar a labor que inicialmente desenvolveu EuroEume en materia turística, antes co programa PRODER, e agora
co LEADER +. Na súa constitución participaron os nove concellos do territorio,
a Asociación EuroEume, a Asociación de Empresarios de Turismo do Eume, A
Cámara de Comercio de Ferrol, a Dirección Xeral de Turismo e a Dirección
Xeral de Medio Ambiente.
Os Centros de
Iniciativas Turísticas son entidades sen ánimo de lucro, promovidas para o
fomento do turismo nun territorio previamente determinado. No caso de
EumeTurismo este territorio o
constitúen os Concellos de A Capela, As Pontes, As Somozas, Cabanas,
Moeche, Monfero, Pontedeume, San Sadurniño e Vilarmaior.
Dotar de eficacia
e operatividade a xestión turística dunha zona require a posta en marcha, integración e
coordinación dun equipo receptor, que forman aloxamentos, restaurantes,
bares,…, e de múltiples servicios (propaganda, axencias, guías, oficinas de
información,…) . Estes dous
grupos deben, dun xeito armónico, garantir un desenvolvemento sostible da
actividade turística.
|
ACCIÓNS PREVISTAS
As actuacións
previstas polo C.I.T. EumeTurismo céntranse en varias áreas diferenciadas.
PROMOCiÓN
As accións que se
realizarán no referente á promoción da oferta turísitca do territorio serán, entre outras: Editar
material de promoción, como os catálogso de aloxamentos, gastronomía e
natureza; Asistencia a feiras e salóns especializados; Organización de
eventos promocionais; Asistencia a work-shops; Realcións coa prensa
especializada e funcións de Relacións Públicas e esponsorización.
COMERCIALIZACIÓN
No tocante á
comercialización dos productos e servicios turísticos do territorio, vaise
realizar un estudio do mercado e coñecemento da demanda, definiranse os
mercados obxectivo, así como
contactos e venta con Touroperadores e Axencias de viaxes e a
realización dun estudio de cara a posta en marcha dunha central de
reservas.
FORMACIÓN
EumeTurismo
organizará programas formativos e de reciclaxe para os profesionais do
sector, conferencias e charlas, intercambios profesionais e visitas, e
promoverá o uso das novas tecnoloxías entre os empresarios de turismo do
territorio.
CALIDADE
O Centro de
Iniciativas Turísticas implantará o plan de calidade para os aloxamentos do
territorio, realizará o seguemento do plan de calidade para Cantinas do
eume, e controlará e prestará asesoramento ás empresas turísticas.
COORDINACIÓN E INTERLOCUCIÓN
EumeTurismo vaise
ocupar do asesoramento na planificación e inversión do sector turístico, e
realizará tarefas de interlocutor entre as distintas administracións e os axentes do
sector.
|
OFERTA EumeTurismo
A oferta
turística que engloba o C.I.T.
EumeTurismo distínguese pola
súa orixinalidade, cunha rede de restaurantes únicos, agrupados baixo a
marca “Cantinas do Eume”, e un conxunto de aloxamentos de Turismo Rural con
posibilidades para tódolos gustos. A oferta turística complementaria xira
en torno ó parque natural Fragas do Eume, e as sete rutas temáticas que abarcan todos os recursos da
zona.
CANTINAS DO EUME
Nas “Cantinas
do Eume”, destaca unha carta de comidas
axustada á cociña e productos da zona, e unha decoración, que crea un
ambiente agradable.
O seu carácter anovador,
no referente á hostelería rural, é o desenvolvemento de normas de calidade,
o que permite garantir a calidade dos servicios e os productos usados.
Dentro do que é a
marca “Cantinas do Eume” cada establecemento mantén a sua personalidade
propia. Algunha destaca polo entorno ou pola singularidade da edificación,
se ben as mais delas destacan polo seu coidado aspecto interior e exterior.
Cada cantina usa a imaxe da marca de “Cantinas do Eume”, personalizando co
seu nome o interior do logotipo, que é a folla do carballo.
|
CASAS DO EUME
Incluidas dentro
do conxunto dos aloxamentos de Turismo Rural de Galicia, Casas do Eume
ofertan nove aloxamentos rústicos perfectamente acondicionados para
disfrutar dun entorno apacible e dunha oferta complementaria nova en
Galicia.
Casas “Lourán” e
“Don Bernardo”, en Monfero;
Casas “A Lagoa” e “Castoar”, en A Capela; “Casa Outeiro” en San Sadurniño,
“Casa da Cancela” e “A Fraga de Torres”, en Vilarmaior; “Casa Roca” en As Pontes, e “Casa do Castelo de
Andrade” en Pontedeume, ofertan hospitalidade e bo servicio ó cliente.
Ademais o
territorio conta con outra serie de aloxamentos, como son dous albergues, un en Vilarmaior, de iniciativa
privada e que oferta 60 plazas, e outro en A Capela, con 28 plazas e de titularidade
pública. O camping “Fragadeume”, situado nunha zona privilexiada do
Concello de Monfero, e que consta de 18 bungalows e espacio para 120
persoas, así como tres hoteis de tres estrelas repartidos nos concellos de
Cabanas, Pontedeume e A Capela, así como as varias pensións e hostais repartidas por todo
o territorio, completan a oferta de aloxamentos turísticos agrupados baixo
a marca “EumeTurismo”.
OFERTA COMPLEMENTARIA
PARQUE NATURAL
FRAGAS DO EUME;
As Fragas do Eume
son un ecosistema único en Europa. Agrupadas ás beiras do río do mesmo
nome, a extensión arbórea é a mostra principal dun sistema ecolóxico, o
bosque atlántico, tan específico gracias á proximidade do mar e as fondas
ribeiras do río que o converteu en 1997 en Parque Natural. É, polo tanto,
un espacio protexido, pero visitable, que lle dá agradables sorpresas a
quen o percorre.
|
RUTA DOS ANDRADE
Desde o Centro de Interpretación, ubicado
no Torreón de Andrade, en Pontedeume, esta ruta conducelle pola historia desta familia medieval que tivo baixo o seu dominio un
amplo territorio, e que deixou un importante legado dentro do territorio de
EumeTurismo e tamén nos colindantes.
Poderá visitar as
ruinas dos castelos de Andrade, Moeche, Narahío, as pontes de Pontedeume, o
de Ferrería, ermidas, igrexas e un sinfín de fermosos lugares.
RUTA DOS
MOSTEIROS E DO ROMÁNICO
Nesta ruta
percórerense os espacios de maior interese artístico e relixioso da zona.
Desde as románticas ruinas do Mosteiro de Caaveiro, á grandiosidade do
Mosteiro de Monfero, pasando por espléndidas mostras do Románico con
igrexas como S. Miguel de Breamo, Sta. María de Doroña.
RUTAS DA NATUREZA
Pódese descubrir
todo o abanico de posibilidades que brinda o territorio a través dunha rede
de itinerarios, composta por 20 sendeiros, que artellan un espacio
organizado para o ocio.
Pódese atopar
unmha guía completa de estas rutas na páxina web de eumeturismo: www.eumeturismo.org
MIRADORES E
ESPACIOS PARA O RECREO
Para completar a visión
do territorio, ben sexa por medio da contemplación estética ou de
experiencias mais participativas, creanse unha serie de miradores e áreas
recreativas que faciliten ó visitante a súa inmersión.
PARQUE TEMÁTICO
DA ENERXÍA
Presas, centrais
hidroeléctricas, minicentrais, parques eólicos, e unha futura planta de
coxeneración de biomasa, unidos
á gran cantidade de inxenios espallados na zona rural e que usan o
auga como fonte de enerxía, compoñen o este parque temático, cunha variada
oferta repartida por todo o territorio.
|
